ԵՐԵՎԱՆ, 12 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: ՀՀ Մարդու իրաւունքների աշխատակազմի Քրեադատավարական եւ զինծառայողների իրաւունքների վերականգնման խմբի աշխատակիցները բանաւոր դիմում-բողոքների հիման վրայ սեպտեմբերի 10-ին Երեւանի Հիւսիսային պողոտայ կատարած այցելութեան ժամանակ արձանագրել են, որ Թումանյան փողոցից մինչեւ Պուշկին փողոց ընկած հատուած քաղաքացիների մուտք գործելը արգելուած էր ոստիկանութեան աշխատակիցների կողմից: Ինչպէս «ՆՈՅԵԱՆ ՏԱՊԱՆ»-ին յայտնում են ՀՀ Մարդու իրաւունքների պաշտպանի աշխատակազմի Տեղեկատուութեան եւ հասարակայնութեան հետ կապերի բաժնից, ղեկավարվելով «Մարդու իրավունքներների պաշտպանի մասին» ՀՀ օրէնքի դրոյթներով Արմէն Յարութիւնեյանը նամակով դիմել է ՀՀ Ոստիկանութեան պետ Ալիկ Սարգսեանին` խնդրել պարզաբանումներ տալ նշուած փաստի իրաւական հիմնաւորուածութեան վերաբերեալ:

---