ԻՒԼԵԱ ՏԻՄՈՇԵՆԿՈ. ՅՈՒՇՉԵՆԿՈՆ ՎՏԱՆԳԻ Է ԵՆԹԱՐԿՈՒՄ
ՌՈՒՍ-ՈՒԿՐԱԻՆԱԿԱՆ ՅԱՐԱԲԵՐՈՒԹԻՒՆՆԵՐԸ
08-09-2008 16:34:00 | | Միջազգային
ԿԻԵՎ, 8 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Ուկրաինայի վարչապետ
Իւլեա Տիմոշենկոն բրիտանական «Ֆայնենշլ թայմս» թերթին տուած
հարցազրոյցում յայտարարել է, որ երկրի նախագահ Վիկտոր Յուշչենկոն
վտանգի է ենթարկում երկկողմ յարաբերութիւնները Ռուսաստանի հետ`
միեւնոյն ժամանակ նրան պատասխանատու համարելով Ռադայում
կոալիցիայի փլուզման համար:
Բրիտանական «Ֆայնենշլ թայմսի» հարցազրոյցում Տիմոշենկոն նշել
է, որ իրեն անուանելով կրեմլյան գաղտնի գործակալ կոալիցիայի
փլուզման ժամանակ` Վիկտոր Յուշչենկոն վտանգի է ենթարկել ինչպէս
երկկողմ յարաբերութիւնները Ռուսաստանի հետ, այնպէս էլ Ուկրաինայի
արեւմտյան ինտեգրացումը:
Ուկրաինայի վարչապետը հերքել է նախագահի այն մեղադրանքները,
թէ անցած ամիս Վրաստանի եւ Ռուսաստանի միջեւ հակամարտութեան
ժամանակ ինքը փաստացի եղել է Կրեմլի կողմում եւ թոյլ գտնուել
Վրաստանին սատարելու հարցում:
ԴԱՍ. ՀԱՅԵՐԵՆ 
Հայերեն
Русский
English
French