ԵՐԵՎԱՆ, 3 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 3-ին Երեւանում անցկացուեց Հայաստանի ազգային օլիմպիական կոմիտէի (ՀԱՕԿ) գործկոմի եւ «Պեկին 2008»-ի օլիմպիական խաղերին նախապատսրաստվող հաւաքականների աշխատանքները համադասող շտաբի համատեղ նիստը: Այն վարում էր ՀԱՕԿ-ի նախագահ Գագիկ Ծառուկյանը: Նիստի սկզբում տեղի ունեցաւ 2008թ.-ի առաջին կիսամեակում Եւրոպայի առաջնութիւններում մեդալակիր դարձած Հայաստանի մարզիկների պարգեւատրության արարողութիւնը: Գ.Ծառուկյանը դրամական մրցանակներ յանձնեց ծանրամարտի, հունահռոմեական ոճի ըմբշամարտի եւ թաեքվոնդոյի 20 մարզիկների եւ մարզիչների: Օլիմպիականների նախատապրաստման ընթացքի մասին զեկուցեցին ՀԱՕԿ-ի փոխնախագահ, Հայաստանի մարզական պատուիրակութեան գլխաւոր յանձնակատար Դերենիկ Գաբրիէլեանը եւ ՀԱՕԿ-ի փոխնախագահ Ռազմիկ Ստեփանեանը: Նշուեց, որ աշխատանքներն ընթանում են նորմալ հունով, լուծում են ստացել օլիմպիադային հայաստանեան մարզիկների մասնակցութեանն առնչող հարցերը:

---