ԵՐԵՎԱՆ, 23 ՄԱՅԻՍԻ, ՆՈՅԵԱՆ ՏԱՊԱՆ: ՀՀ գիւղատնտեսութեան համախառն արտադրանքը 2008թ. յունուար-մարտին, ընթացիկ գներով, կազմել է 44,8 մլրդ դրամ (մօտ 120 մլն ԱՄՆ դոլար) եւ 0.5%-ով գերազանցել 2007թ. նոյն ժամանակաշրջանի մակարդակը: Բուսաբուծութեան համախառն արտադրանքը նշուած ժամանակահատուածում կազմել է 5533,4 մլն դրամ, ինչը 4,9%-ով աւելի է 2007թ. նոյն ժամանակաշրջանի ցուցանիշից, իսկ անասնաբուծութեան համախառն արտադրանքը կազմել է 39266,4 մլն դրամ (նուազել` 0,1%-ով): ՀՀ Ազգային վիճակագրական ծառայութեան տուեալներով, յունուար-մարտին, հանրապետութիւնում իրականացուել է 524,7 մլն դրամի ձկան որս, ինչը 2007թ. նոյն ամսուայ ցուցանիշից 20,2%-ով պակաս է:

---