ԳԻՒՄՐԻՈՒՄ ԱՆՑԿԱՑՈՒԵՑ 10-ՐԴ ԿԱՐԳԻ ՇԱԽՄԱՏԻ ՄԻՋԱԶԳԱՅԻՆ ՄՐՑԱՇԱՐ
07-05-2008 21:00:00 | Հայաստան | Սպորտ
ԳԻՒՄՐԻ, 7 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 6-ին Գիւմրիում
աւարտուեց շախմատի միջազգային մրցաշարը, որը կազմակերպել էին ՀՀ
շախմատի ֆեդերացիան եւ շախմատի հանրապետական ակադեմիան:
Մրցումներին մասնակցեցին Ռուսաստանի, Ուկրաինայի, Վրաստանի եւ
Հայաստանի շախմատիստները:
11 հնարաւորից 9 միաւոր վաստակեց եւ միանձնեայ յաղթող ճանաչուեց
գրոսմայստեր Արման Փաշիկյանը (Երեւան): 2-3-րդ տեղերը 7-ական
միաւորով համապատասխանաբար զբաղեցրին Գէորգի Բագատուրիան եւ Թամազ
Գելաշվիլին (2-ն էլ Թբիլիսի):
Մրցաշարը 10-րդ կարգի էր: Անցկացուեց 1-ին անգամ եւ կդառնայ
աւանդական:
Հայաստանի շախմատի ակադեմիայի նախաձեռնութեամբ առաջիկայում
կանցկացուեն եւս 2 միջազգային մրցաշարեր Ջերմուկում (յունիսի 26-ից
յուլիսի 6-ը) եւ Մարտունիում (յուլիսի 10-20-ին):