ԵՐԵՎԱՆ, 23 ԱՊՐԻԼԻ, ՆՈՅԵԱՆ ՏԱՊԱՆ: «Հայփոստ» եւ «Ինգո
Արմէնիա» ընկերութիւնների միջեւ ապրիլի 23-ին կնքուել է
համաձայնագիր, ըստ որի «Հայփոստ»-ը ապահովագրական ծառայութիւն
կառաջարկի հայաստանեան իր բոլոր յաճախորդներին: Ինչպէս «ՆՈՅԵԱՆ
ՏԱՊԱՆ»-ի թղթակցին յայտնեցին «Հայփոստ»-ի մամլոյ ծառայութիւնից,
յունիսի 1-ից ընկերութեան բաժանմունքներում կվաճառուեն մատչելի
ապահովագրական ծառայութիւնների փաթեթներ: Ապահովագրական
ծառայութիւններ առաջարկելու եւ մատուցելու նպատակով «Հայփոստ»-ի
աշխատակազմը վերապատրաստվում է համապատասխան մասնագիտական
որակաւորում ձեռք բերելու համար: