ՀՀ Ազգային ժողովի նախագահ Յովիկ Աբրահամեանը ուղերձ է յղել Թատրոնի միջազգային օրուայ կապակցութեամբ, որում ասուած է. «Թատրոնի միջազգային օրուայ առթիւ շնորհաւորում եմ թատերական գործիչներին, թատերարուեստի երկրպագուներին եւ բոլոր նրանց, ովքեր սիրում եւ գնահատում էն թատրոնը: Չնայած դժուարութիւններին` բոլոր ժամանակներում էլ թատրոնը շարունակել է ապրել ու զարգանալ, փնտրել ստեղծագործական զարգացման նոր ուղիներ: Այսօր մեր երկրում պետականօրէն գիտակցւում է թատրոնների նկատմամբ վերաբերմունքի կարեւորութիւնը, արուեստի մարդու կարեւորութիւնը հասարակութեան արժեհամակարգի ձեւաւորման գործում: Վստահ եմ, որ աստիճանաբար պետական ուշադրութիւնն ու աջակցութիւնն աւելի էն մեծանալու: Վերստին շնորհաւորելով Թատրոնի միջազգային օրուայ առթիւ` թատրոնի նուիրեալներին մաղթում եմ ստեղծագործական ու անձնական յաջողութիւններ, բարեկեցութիւն եւ լաւատեսութիւն:»

---