Հայաստանի քաղաքական դաշտում գրեթէ բացակայում է արժէքային համակարգը
25-03-2011 13:10:15 | Հայաստան | Քաղաքական
Մարտի 24-ին տեղի ունեցաւ Հայաստանի երիտասարդ քաղաքական գործիչների միութեան (ՀԵՔԳՄ) ընդլայնուած նիստը, որին մասնակցում էին Երեւանի եւ Հայաստանի մարզերի պատուիրակները:
Քննարկուեցին վերջին շրջանում Հայաստանի Հանրապետութիւնում տեղի ունեցած քաղաքական վերադասաւորումները, որոնց վերաբերեալ հնչեցին տարբեր գնահատականներ:
ՀԵՔԳՄ անդամներն իրենց ելոյթներում կարեւորեցին թե'քաղաքական, եւ թե' հասարակական ներկայ գործընթացներում հայ երիտասարդութեան իրական մասնակցութիւնը` կոչ անելով նրանց զերծ մնալ իմիտացիոն եւ արժէզրկուած ,պրոյեկտներիէ մէջ ներգրաւուելուց:
Բարձրաձայնուեց քաղաքական դաշտում արժէքային համակարգի գրեթէ բացակայութեան փաստը, ինչը, ըստ կառոյցի ներկայացուցիչների, խիստ բացասական է անդրադառնում հասարակութեան շրջանում բարոյահոգեբանական մթնոլորտի վրայ:
Անդրադառնալով պարզ կանխատեսելիութեան մակարդակի հասնող հայաստանեան քաղաքական զարգացումներին, ՀԵՔԳՄ հիմնադիր-նախագահ Արման Վարդանեանը նշեց. ,մենք պարտաւոր ենք հարթակ հանդիսանալ նոր տեսլականներով սկզբունքային երիտասարդների համար եւ ապահովել նրանց մասնակցութիւնը քաղաքական գործընթացներին: Այսօր, աւելի քան երբեւէ, առկայ է քաղաքական սերնդափոխութեան հրամայականըէ:
Նիստի ընթացքում յստակեցուեց կառոյցի մարտավարութիւնը եւ առաջարկ եղաւ հիմնադրել մարզային կ'առոյցնէր, ինչն էլ ընդունուեց ձայների պարզ մեծամասնութեամբ:
Հայաստանի Երիտասարդ Քաղաքական Գործիչների Միութեան
Լրատուական ծառայութիւն
25 մարտի, 2011թ.