Պերմում կանցկացուէն Հայաստանի Հանրապետութեան 20-ամեակին նուիրուած մշակութային միջոցառումներ
24-03-2011 20:19:21 | Հայաստան | Հասարակութիւն
Մարտի 24-ին ՀՀ սփիւռքի նախարարի տեղակալ Ստեփան Պետրոսեանն ընդունեց ,պերմի երկրամասի հայկական մշակութային կենտրոնէ տարածաշրջանային հասարակական կազմակերպութեան փոխնախագահ Արմէն Գարսլեանին:
Ս.Պետրոսեանը բարձր գնահատեց հայկական մշակութային կենտրոնի, եւ մասնաւորապէս, Ա.Գարսլեանի ներդրումը Պերմի հայկական համայնքում հայապահպանութեան, հայկական ազգային մշակոյթի պահպանման եւ զարգացման, Հայրենիք-սփիւռք կապերի ամրապնդման գործում: Ա.Գարսլայնն անդրադարձաւ ՀՀ սփիւռքի նախարարութեան պատուիրակութեան այցին Պերմի երկրամաս` նշելով այցի հետեւանքով հայ համայնքի աշխուժացման եւ Հայրենիքի հետ կապերի ակտիւացման մասին:
Ս.Պետրոսեանը ներկայացրեց ՀՀ սփիւռքի նախարարութեան առաջիկայ ծրագրերը:
Քննարկուեցին նախարարութեան ծրագրերին Պերմի հայ համայնքի մասնակցութեան հնարաւորութիւնները: Մասնաւորապէս, պայմանաւորուածութիւն ձեռք բերուեց ՀՀ սփիւռքի նախարարութեան կողմից կազմակերպուելիք երիտասարդ առաջնորդների եւ երիտասարդ լրագրողների դպրոցին, ինչպէս նաեւ Սփիւռքի հայ համայնքների ղեկավարների հաւաքին Պերմի հայ համայնքից ներկայացուցիչների մասնակցութեան վերաբերեալ:
Պայամանաւորուածութիւն ձեռք բերուեց նաեւ Պերմում Հայաստանի Հանրապետութեան 20-ամեակին նուիրուած մշակութային միջոցառումներ անցկացնելու վերաբերեալ։
ԴԱՍ. ՀԱՅԵՐԵՆ 
Հայերեն
Русский
English
French