ՄԱՐՏԻ 15-ԻՑ ՀԱՅԱՍՏԱՆՈՒՄ ՄԱՆՐ ԵՎ ԽՈՇՈՐ ԵՂՋԵՐԱՎՈՐ
ԳՅՈՒՂԿԵՆԴԱՆԻՆԵՐԸ ԿԵՆԹԱՐԿՈՒԵՆ ՊԱՐՏԱԴԻՐ ՊԱՏՈՒԱՍՏՄԱՆ
12-03-2008 18:00:00 | Հայաստան | Տնտեսութիւն
ԵՐԵՎԱՆ, 12 ՄԱՐՏԻ, ՆՈՅԵԱՆ ՏԱՊԱՆ: Անասնաբուժասանիտարական
ոլորտում կայուն վիճակ ստեղծելու եւ ապահովելու նպատակով ՀՀ
Գիւղատնտեսութեան նախարարութիւնն այս տարի եւս կիրականացնի
գիւղատնտեսական կենդանիների հիւանդութիւնների ախտորոշման եւ
հակահամաճարակային միջոցառումների ծրագիր: Ինչպէս մարտի 12-ի
ասուլիսում յայտնեց նախարարութեան Սննդամթերքի անվտանգութեան եւ
անասնաբուժական պետական տեսչության պետ Գրիշա Բաղիյանը,
պատուաստանիւթերի ձեռք բերման համար պետբիւջէից յատկացուել է 790
մլն դրամ (մօտ 254,1 մլն ամն դոլար): Պատվաստանյութերը հիմնականում
կներկրվեն Ռուսաստանի Դաշնութիւնից:
Գ.Բաղիյանի խօսքերով, ծրագրում ընդգրկուած են առաւել վտանգաւոր
6 հիւանդութիւններ` թռչունների ժանտախտ, սիբիրախտ, դաբաղ,
պաստերելյոզ, խշխշան պալար եւ անասունների կլասիկ ժանտախտ: Մարտի
15-ից հանրապետութիւնում պարտադիր պատուաստման կենթարկուեն մանր եւ
խոշոր եղջերավոր գյուղկենդանիները, ինչպէս նաեւ խոզերը: Բացի այդ,
կիրականացուի 3 հիւանդութիւնների ախտորոշում, ինչպէս նաեւ
մեղուների հիդանդությունների դէմ բուժումներ: