ԵՐԵՎԱՆ, 13 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի Բասկետբոլի
ֆեդերացիան հոկտեմբերի 11-12-ին Գիւմրիում կազմակերպել էր
մարզչական սեմինար եւ քեմփ (ուսումնամարզական հաւաք տաղանդաւոր
պատանիների մասնակցութեամբ): Սեմինարը, որին մասնակցում էին 20
մարզիչներ, անցկացրեց ՀԲՖ-ի մարզչական խորհրդի ղեկավար Եղիշե
Դավթեանը: Քեմփին մասնակցեցին Գիւմրիի, Վանաձորի, Ալավերդիի,
Նոյեմբերեանի 90 պատանի բասկետբոլիստներ: Մարզումները անցկացնում
էր Հայաստանի ակումբային հաւաքականի գլխաւոր մարզիչ Արեգ Վաթեանը:
Քեմփերի միջոցով ՀԲՖ-ն նպատակ ունի ի յայտ բերել տաղանդաւոր
նոր բասկետբոլիստների: Իսկ մարզչական սեմինարների աւարտից յետոյ հայ
մասնագէտները կստանան համապատասխան արտօնագիր` հայկական թիմերում
աշխատելու համար: Ըստ Բասկետբոլի ֆեդերացիայի մամլոյ ծառայութեան,
առաջիկայում նման 4 միջոցառումներ կանցկացուեն նաեւ Հայաստանի այլ
բնակավայրերում: