ԼԵՒՈՆ ԱՐՈՆԵԱՆԸ ԵՎ ԷԼԻՆԱ ԴԱՆԻԵԼԵԱՆԸ ՖԻԴԵ-Ի ՀՐԱՊԱՐԱԿԱԾ
ԴԱՍԱԿԱՐԳՄԱՆ ԱՂԻՒՍԱԿԻ ԼԱՒԱԳՈՅՆ ՏԱՍՆՅԱԿՆԵՐՈՒՄ ԵՆ
01-10-2008 18:08:00 | Հայաստան | Սպորտ
ԵՐԵՎԱՆ, 1 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ՖԻԴԵ-ն հրապարակել է
հոկտեմբերի 1-ի դրութեամբ 100 լաւագոյն շախմատիստների
վարկանիշային հերթական ցուցակը: Այն գլխաւորում է Վեսելին Թոփալովը
(Բուլղարիա` 2791): Առաջին եռեակում են նաեւ Ալեքսանդր Մորոզեւիչը
(Ռուսաստան` 2787) եւ Վասիլի Իվանչուկը (Ուկրաինա` 2786): Առաջին
7-յակում են Մագնուս Կառլսենը (Նորվեգիա` 2786), Վիշվանաթան Անանդը
(Հնդկաստան` 2783), Վլադիմիր Կրամնիկը (Ռուսաստան` 2772) եւ Լեւոն
Արոնեանը (Հայաստան` 2757), որը մինչ այդ զբաղեցնում էր 12-րդ
տեղը: Լաւագոյն 100-յակում են նաեւ Սերգեյ Մովսիսեանը (Սլովակիա,
13-րդ տեղ, 2732), Վլադիմիր Յակոբեանը (Հայաստան, 42-րդ տեղ, 2679)
եւ Գաբրիէլ Սարգսեանը (Հայաստան, 84-րդ տեղ, 2642):
Կանանց դասակարգման աղիւսակը գլխաւորում է Հուդիթ Պոլգարը
(Հունգարիա` 2711): Առաջին անգամ հայ շախմատիստուհիներից լաւագոյն
տասնեակում է յայտնուել Էլինա Դանիելեանը (2513): Լիլիթ Մկրտչեանը
38-րդն է (2443):