ՎԵՐԿԱՆԳՆՒՈՒՄ Է ՄԻՆԱՍ ԱՒԵՏԻՍԵԱՆԻ ԹՈՐՈՍ ՌՈՍԼԻՆԻ ԾՆՈՒՆԴԸ
ՈՐՄՆԱՆԿԱՐԸ
25-09-2008 12:00:00 | Հայաստան | Մշակոյթ
ԵՐԵՎԱՆ, 25 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Գեղանկարիչ Մինաս
Աւետիսեանի ծննդեան 80-ամեակի կապակցութեամբ հոկտեմբերին Հայաստանի
ազգային պատկերասրահում կբացուի նկրաչի աշխատանքների յոբելեանական
ցուցահանդէսը: Աւելի ուշ, 2009 թուականի գրանանաը Մինաս Աւետիսեանի
աշխատանքների ցուցադրություն կկազմակերպուի նաեւ Մոսկուայում եւ
Ֆլորենցիայում:
Այս մասին սեպտեմբերի 25-ին «Նովոստի Արմէնիա» ակումբում
կայացած հանդիպման ժամանակ յայտնեց ՀՀ մշակոյթի նախարարի
խորհրդական Սոնա Յարութիւնեյանը: Նրա խօսքերով, յոբելեանի
կապկցութեամբ արդէն Իտալիայից ժամանած մասնագէտների շնորհիւ
վերկանգնւում է նկրաչի 11 որմնանկարներից մէկը` Թորոս Ռոսլինի
ծնունդը, որը գտնւում էր Գիւմրիի Էլեկտրատեխնիկական գործարանում:
Նոյն գործարանում են գտնւում նաեւ Մինասի 4 միւս որմնանկարները,
որոնք եւս անյապաղ վերկանգնման անհրաժեշտութիւն ոնեն:
Նկարչի որդին` Արման Աւետիսեանը նշեց, որ Թորոս Ռոսլինի
ծնունդը որմնանկարի վերականգնման համար պետութիւնը յատկացրել է
5 մլն դրամ: Սակայն, ըստ նրա, միւս 10 որմնանկարները նույնպես
կարիք ունեն վերականգնման: Մ.Աւետիսեանի միւս որմնանկարներից 3-ը
գտնւում է Երեւանում, իսկ մնացածը` Շիրակի մարզում:
Մոսկուայի Հայկական մշակոյթի հիմնադրամի աջակցութեամբ
կտպագրուի Մինասի աշխատանքների կատալոգը եւ կնկարահանուի ֆիլմ`
որմնանկարների վերականգնման աշխատանքների ընթացքի մասին: