ՀՀ ԿԲ-Ի ՆԱԽԱԳԱՀԸ ԿՄԱՍՆԱԿՑԻ ԳՀՀ-Ի ԴԻՏՈՐԴ ԽՈՐՀՐԴԻ ԵՎ ՄԱՍԾԲԵ-Ի
ԿԲ-ՆԵՐԻ ԿԱՌԱՎԱՐԻՉՆԵՐԻ ԱԿՈՒՄԲԻ ՆԻՍՏԵՐԻՆ
19-09-2008 20:48:00 | Հայաստան | Տնտեսութիւն
ԵՐԵՎԱՆ, 19 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: ՀՀ Կենտրոնական բանկի
նախագահ Արթուր Ջաւադեանը սեպտեմբերի 20-24-ին գտնուելու է
Ֆրանկֆուրտում, որտեղ մասնակցելու է Գերմանա-հայկական հիմնադրամի
(ԳՀՀ) դիտորդ խորհրդի հերթական նիստին: Ինչպէս «ՆՈՅԵԱՆ ՏԱՊԱՆ»-ին
յայտնեցին ՀՀ ԿԲ-ի Հասարակայնութեան հետ կապերի ծառայութիւնից,
խորհրդի նիստում քննարկվելու են միկրո, փոքր եւ միջին
ձեռնարկութիւնների աջակցութեան, հիփոթեքային շուկայի եւ
վերականգնուող էներգետիկայի զարգացման վարկային ծրագրերի հարցերը:
Ա.Ջաւադեանը Ֆրանկֆուրտում հանդիպելու է նաեւ Եւրոպական
կենտրոնական բանկի ներկայացուցիչների հետ:
Սեպտեմբերի 25-27-ին նա մասնակցելու է Միջին Ասիայի,
Սեւծովեան տարածաշրջանի եւ բալկանեան երկրների (ՄԱՍԾԲԵ)
կենտրոնական բանկերի կառավարիչների ակումբի 20-րդ նիստին: Այս
նիստում քննարկվելու են «Սպառողներ, թափանցիկություն եւ ֆինանսական
հատուածի անկայունութիւն», «Կապիտալի ազատականացում. խնդիրներ եւ
մարտահրավերներ» ու «Ֆինանսական կայունութեան հաշուէտւութիւններ.
ինչպէս դիմագրաւել նոր մարտահրավերներին» թեմաները: