ՀԱՅԱՍՏԱՆԻ ՀԱՒԱՔԱԿԱՆԻ ԱՆԴԱՄՆԵՐԸ ՄԱՐՏԱԿԱՆ ԵՆ
ՏՐԱՄԱԴՐՈՒԱԾ ԹՈՒՐՔԻԱՅԻ ՖՈՒՏԲՈԼԻՍՏՆԵՐԻ ՀԵՏ ՀԱՆԴԻՊՄԱՆԸ,-
ՀԱՒԱՍՏԻԱՑՆՈՒՄ Է ԹԻՄԻ ԱՒԱԳ ՄԱՐԶԻՉԸ
02-09-2008 19:30:00 | Հայաստան | Սպորտ
ԵՐԵՎԱՆ, 2 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 2-ին ՀՖՖ-ում
տեղի ունեցած ասուլիսի ժամանակ ֆեդերացիայի նախագահ Ռուբէն
Հայրապետեանը կարեւորուեց աշխարհի 2010թ.-ի առաջնութեան ընտրական
փուլի մրցաշարի ծրագրով սեպտեմբերի 6-ին «Հրազդան» մարզադաշտում
կայանալիք Հայաստան-Թուրքիա հանդիպումը: Նա նշեց, որ առաջիկայ խաղն
առաջին հերթին մարզական բնոյթ է կրում, թէեւ այն երկու երկրների
հաւաքականների մակարդակով առաջին պաշտօնական մրցամարտն է եւ շատերի
համար քաղաքական երանգ է կրում:
«Հրազդան» մարզադաշտը լիովին պատրաստ է խաղին եւ ՀՖՖ-ի
նախագահը լրագրողների աջակցութիւնը խնդրեց ֆուտբոլասէրներին
սթափեցնելու համար: Ռ.Հայրապետեանը հոյս յայտնեց, որ խաղից յետոյ
«Հրազդանում» նստելատեղերը անվնաս կմնան: Նա յայտնեց նաեւ, որ
նախնական տուեալներով Թուրքիայից Հայաստան կժամանի 100 լրագրող:
Թէեւ Հայաստանի ազգային հաւաքականն ընդամէնը նախապատրաստական
մէկ պարապմունք է անցկացրել, գլխաւոր մարզիչ Յան Պոուլսենը գոհ է
բոլոր ֆուտբոլիստների մարզավիճակից: Ըստ նրա, մարզիկները
վնասուածքներ չունեն եւ մարտական տրամադրությամբ կելնեն ասպարէզ: