ՍՈՉԻ, 30 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 30-ին Ռուսաստանի Սոչի քաղաքում մեկնարկել է ՖԻԴԵ-ի օրացույցում նոր ամրագրուած շախմատի «Գրան պրի» խաղարկութեան 2-րդ մրցաշարը, որի 14 մասնակիցների թւում է նաեւ հայաստանցի անուանի գրոսմայստեր Լեւոն Արոնեանը: Մրցակարգը շրջանաձեւ է. մասնակիցներից իւրաքանչիւրը կխաղայ 13-ական պարտիա: «Գրան պրի» խաղարկութիւնը բաղկացած է 6 մրցաշարից, եւ շախմատիստները պարտադիր պէտք է հանդէս գան դրանցից 4-ում: Նշենք, որ ապրիլին Բաքւում կայացած 1-ին մրցաշարին Լ.Արոնեանը չի մասնակցել: «Գրան պրի»-ի մրցաշարերում ընդհանուր առմամբ առաւելագոյն միաւորներ վաստակած շախմատիստը կպարգեւատրվի 75 հազար եւրոյով եւ իրաւունք կստանայ հանդիպելու 2009թ.-ի աշխարհի գաւաթակրի հետ:

---