ՎԵՆԵՍՈՒԵԼԱՆ ԿԶԱՐԳԱՑՆԻ ՌԱԶՄԱԿԱՆ ՀԱՄԱԳՈՐԾԱԿՑՈՒԹԻՒՆԸ
ՌՈՒՍԱՍՏԱՆԻ ՀԵՏ
23-07-2008 17:56:00 | Ռուսաստան | Միջազգային
ՄՈՍԿՈՒԱ, 23 ՅՈՒԼԻՍԻ, ՆՈՅԵԱՆ ՏԱՊԱՆ: Վենեսուելայի նախագահ Ուգո
Չավեսը վերահաստատել է ՌԴ-ի հետ ռազմական համագործակցութիւնը
զարգացնելու իր երկրի ծրագրերը` միեւնոյն ժամանակ հերքելով այն
տեղեկությունները, թէ Վենեսուելան Ռուսաստանից առաջիկայ տարիներին
գնելու է 30 միլիարդ դոլարի սպառազինութիւն:
Չավեսի` Մոսկուա կատարած այցի ընթացքում Ռուսաստանն ու
Վենեսուելան ստորագրել են մի շարք համաձայնագրեր տարբեր
բնագաւառներում համագործակցութեան վերաբերեալ: Ուգո Չավեսը
միաժամանակ նշել է, որ Վենեսուելան մտադիր է այսուհետ եւս
ակտիւօրէն մեծացնել Ռուսաստանի հետ ռազմատեխնիկական
համագործակցութեան ծաւալները: