ԲԵԼԳԻԱՅԻ ԹԱԳԱՎՈՐԸ ՉԻ ԸՆԴՈՒՆԵԼ ԵՐԿՐԻ ՎԱՐՉԱՊԵՏԻ ՀՐԱԺԱՐԱԿԱՆԸ
18-07-2008 17:05:00 | | Միջազգային
ԲՐԻՒՍԷԼ, 18 ՅՈՒԼԻՍԻ, ՆՈՅԵԱՆ ՏԱՊԱՆ: Բելգիայի Ալբերտ II
թագավորը հրաժարուել է ընդունել երկրի վարչապետ Իվ Լետերմի
հրաժարականը: Այս մասին հաղորդում է «Ռոյթերը»` վկայակոչելով
թագաւորական ընտանիքի մամլոյ ծառայութեան հաղորդումը:
Իվ Լետերմը իր պաշտօնում մօտ չորս ամիս աշխատելուց յետոյ
հրաժարականի դիմում էր ներկայացրել յուլիսի 14-ին երկրի մարզերին
մեծ իշխանությամբ օժտելու եւ երկիրը իշխանութեան ճգնաժամից դուրս
բերելու նախարարների կաբինետի անյաջող փորձից յետոյ:
Իվ Լետերմի պահանջի համաձայն, մինչեւ յուլիսի 15-ը
ֆլամանդական կուսակցութիւնների, որոնք Բելգիայի հիւսիսի իրենց
տարածքների համար աւելի մեծ ինքնավարութիւն են պահանջում, եւ
ֆրանսախօս կուսակցութիւնների միջեւ պէտք է համաձայնագիր
ստորագրուեր պետական բարեփոխումներ անցկացնելու մասին, որը կարող էր
վերջ դնել իշխանութեան ճգնաժամին երկրում: Սպասւում էր, որ յուլիսի
15-ին վարչապետը խորհրդարանին կներկայացնի այդ բարեփոխումների
անցկացման ծրագիրը: