ԿՈՆԴ ԹԱՂԱՄԱՍՈՒՄ ԱՐԴԷՆ ՍԿՍՈՒԵԼ ԵՆ ԻՐԱՑՄԱՆ ԱՇԽԱՏԱՆՔՆԵՐԸ
14-07-2008 16:00:00 | Հայաստան | Տնտեսութիւն
ԵՐԵՎԱՆ, 14 ՅՈՒԼԻՍԻ, ՆՈՅԵԱՆ ՏԱՊԱՆ: Քաղաքային
իշխանութիւնները անշարժ գոյքի նկատմամբ քաղաքացիների
սեփականութեան իրաւունքների ճանաչման-վերականգման ծրագիրը
շարունակելու են այնքան ժամանակ, մինչեւ ամբողջութեամբ
չվերականգնվի բոլոր քաղաքացիների սեփականութեան իրաւունքը: Այս
մասին յուլիսի 14-ի ասուլիսում յայտարարեց Ե.Զախարյանը` յաւելելով,
որ ծրագիրը հնարաւորութիւն կտայ ճանաչել տասնեակ տարիներ
քաղաքացիների կողմից տնօրինվող անշարժ գոյքի նկատմամբ նրանց
իրաւունքները:
Քաղաքապետը յիշեցրեց, որ խօսքը մինչեւ 2001թ.-ը կառուցոուած
շինութիւնների հանդէպ սեփականութեան իրաւունքի վերականգնման մասին
է: Դրանից յետոյ կառուցվածների համար որեւէ մէկին չի տրվելու
սեփականութեան իրաւունք: Ե.Զախարյանի խօսքերով, քաղաքապետարանը
ունի 2001թ.-ին արուած արբանեակային լուսանկարներ եւ քաղաքացիների
սեփականութեան իրաւունքը վերականգնելու գործընթացում առաջնորդուելու
է հենց այդ լուսանկարներով:
Ե.Զախարյանը նշեց նաեւ, որ առաջին կիսամեակում մայրաքաղաքի
տարբեր համայնքներում իրականացուել է 3252 չափագրում, իսկ 605
ինքնակամ կառոյցի համար տրուել է սեփականութեան իրաւունքի ճանաչման
վկայական:
Քաղաքապետը, անդրադառնալով իրացման գօտիներին, նշեց, որ Կոնդ
թաղամասում սկսուել են իրացման աշխատանքները. մօտ 2 հա տարածք արդէն
քանդվել է, իսկ 120 քաղաքացիների հետ կնքուել են սեփականութեան
իրաւունքի ճանաչման վերաբերեալ պայմանագրեր: Ե.Զախարյանի խօսքերով,
իրացման գօտիներում կառուցւող բազմաբնակարան շէնքերում որպէս
փոխհատուցում առաջին հերթին բնակարաններ կառաջարկուեն այդ
տարածքների նախկին բնակիչներին: Ի դէեպ, կոնդեցիների, ինչպէս նաեւ
33-րդ թաղամասի («Ֆիրդուսնոց») բնակիչների համար առաջին բնակելի
շէնքի շինաշխատանքները կսկսուեն այս տարուայ սեպտեմբերին: