ՄԱՐՄԱՐԻԿԻ ՋՐԱՄԲԱՐԻ ՎԵՐԱԿԱՆԳՆՈՒՄՆ ԱՆԱՒԱՐՏ Է ՄՆԱՑԵԼ ԴՈԼԱՐԻ
ԱՐԺԵԶՐԿՄԱՆ ՊԱՏՃԱՌՈՎ
02-07-2008 19:30:00 | Հայաստան | Տնտեսութիւն
ԵՐԵՎԱՆ, 2 ՅՈՒՆԻՍԻ, ՆՈՅԵԱՆ ՏԱՊԱՆ: ՀՀ վարչապետ Տիգրան
Սարգսեանը յուլիսի 2-ին այցելեց Կոտայքի մարզի Մարմարիկի ջրամբար,
որը կառուցման պահից` 1974 թուականից յետոյ, չի օգտագործուել, քանի որ
ջրամբարի նախատեսուած ջրի լցումից մի քանի օր առաջ տեղի է ունեցել
պատվարի նստվածք: Արդիւնքում 350 մ երկարությամբ պատվարի գագաթը
նստել է մինչեւ 13.5 մ: Եվ մօտաւորապէես 500 հազար խորանարդ մետր
հողային զանգված տեղաշարժվել է: 2006 թուականից սկսուել են պատվարի
վերականգնման աշախատնքներ:
Ինչպէս վարչապետին ներկայացրեց ՀՀ տարածքային կառավարման
նախարարութեան Ջրային տնտեսութեան պետական կոմիտէի նախագահ
Անդրանիկ Անդրէասեանը, ներկայ վիճակով Մարմարիկի ջրամբարը որոշակի
վտանգ է ներկայացնում նրանից ներքեւ ապրող բնակչութեան համար: Ըստ
Ա.Անդրեսայանի, սա է եղել հիմնական պատճառներից մէկը, ջրամբարի
վերականգնումն ընդգրկուել էր Համաշխարհային բանկի Պատվարների
անվտանգութեան ծրագրում, որի շրջանակներում պէտք է վերկանգնվեր
ջրամբարի պատուարը: Նախագծման աշխատանքները աւարտուել են 2005 թ.:
Շինարարութեան պայմանագիրը ստորագրուել է 2006թ. օգոստոսի 31-ին եւ
համաձայն ծրագրի նախատեսւում է աւարտել 24 ամսուայ ընթացքում`
2008թ., սակայն մնացել է անաւարտ ԱՄՆ դոլարի արժեզրկման հետեւանքով
առաջացած միջոցների պակասի պատճառով:
Անդրէասեանի խօսքերով, շինարարութեան պայմանագրային արժէքը
այն ժամանակ կազմել է 4 մլրդ 568 մլն, 779 հազար դրամ, այսինքն`
11,521,609 դոլար: Հատկված միջոցները ծախսուել են, սակայն անհրաժեշտ
է նոր հաշուարկ` մնացած աշխատտաքներն աւարտելու համար: