ԱՌԱՋԻԿԱՅՈՒՄ ՔԱՅԼԵՐ ԿՁԵՌՆԱՐԿՈՒԵՆ ԱՐՄԱՒԻՐԻ ՄԱՐԶՈՒՄ ՈՌՈԳՄԱՆ ՋՐԻ
ՀԱՐՑԸ ԼՈՒԾԵԼՈՒ ՈՒՂՂՈՒԹԵԱՄԲ
01-07-2008 20:12:00 | Հայաստան | Տնտեսութիւն
ԵՐԵՎԱՆ, 1 ՅՈՒԼԻՍԻ, ՆՈՅԵԱՆ ՏԱՊԱՆ: ՀՀ վարչապետ Տիգրան
Սարգսեանը յուլիսի 1-ին այցելելով ՀՀ Արմաւիրի մարզի Ակնաշեն
գիւղ` ծանօթացաւ ինչպէս Ակնաշենի, այնպէս էլ հարեւան մի շարք
գիւղերի բնակիչներին յուզող խնդիրներին: Վարչապետի խօսքերով, շատ
ուրախալի է, որ բոլոր համայնքները առաջին հերթին բարձրացնում են
դպրոցների վերանորոգման հարցը, քանի որ երեխաները պէտք է սովորեն
բարենպաստ պայմաններում, իսկ եթէ կայ սովորելու ցանկութիւն, ապա դա
նշանակում է, որ «մեր վաղուայ օրը լինելու է յուսալի»:
Անդրադառնալով ոռոգման ջրի խնդիրներին, Տ.Սարգսեանը նշեց, որ
հանրապետութիւնում վերջին տարիներին կտրուկ նուազել է ջրի
քանակութիւնը, եւ շատ հողատարածքներ զրկուել են ոռոգման ջրից: Նրա
խօսքերով, գիւղացիների բողոքը տեղին է եւ կառավարութիւնն այդ
ուղղութեամբ քայլեր կձեռնարկի:
Ի պատասխան գիւղացիների այն բողոքին, թէ արդեօք հնարաւոր չէ
նուազեցնել գյուցիներին տրամադրուող կարճաժամկէտ վարկերի
տոկոսադրույքները, Տ.Սարգսեանը նշեց, որ ինքը ծանօթացել է
«Ակբակրեդիտագրիկոլ» բանկի ցուցանիշներին եւ տեսել, որ
գիւղացիները 99%-ով վերադարձնում են վարկերը, ինչը նշանակում է,
որ «գիւղացիների բողոքը տեղին չէ»: