ՀՀ ՄԱՐԴՈՒ ԻՐԱՒՈՒՆՔՆԵՐԻ ՊԱՇՏՊԱՆԸ ԱՅՑԵԼԵԼ Է ԼՈՌՈՒ ՄԱՐԶ
26-06-2008 18:50:00 | Հայաստան | Մարդու իրաւունքներ
ԵՐԵՎԱՆ, 26 ՅՈՒՆԻՍԻ, ՆՈՅԵԱՆ ՏԱՊԱՆ: ՀՀ Մարդու իրաւունքների
պաշտպան Արմէն Յարութիւնեյանը եւ նրա ղեկավարած աշխատանքային
խումբը յունիսի 25-ին այցելել է Վանաձոր` Լոռու մարզում առկայ
խնդիրներին տեղում ծանօթանալու նպատակով: Չնայած նախապէս
ծրագրաւորած էին հանդիպումներ մարզպետի տեղակալի եւ աշխատակազմի
ղեկավարի հետ, սակայն նրանց բացակայութեան պատճառով Պաշտպանը
հանդիպում է ունեցել մարզպետարանի տեղեկատուութեան եւ
հասարակայնութեան հետ կապերի բաժնի պետ Էդիկ Բաղդասարեանի հետ:
Վերջինս տեղեկացրել է մարզպետարանի թեժ գծով ստացուած բողոքների
մասին, որոնք, ըստ նրա, հիմնականում վերաբերում են հանրային
ծառայութիւններ մատուցող կազմակերպություններին: Հանդիպման
ընթացքում քննարկուել են նաեւ մարզի բնակարանային ապահովման
խնդիրները, ինչպէս նաեւ իրաւապաշտպան ՀԿ-ների գործունէութեանը
վերաբերող հարցեր:
Լոռու մարզային գրադարանում հասարակական կաղմակերպությունների
ներկայացուցիչների հետ հանդիպման ընթացքում ներկայացուել են մարզում
բնակարանային խնդիրները, մարզի հասարակական եւ քաղաքական կեանքում
կանանց ներգրավվածության աստիճանի բարձրացման ծրագրերը:
Պաշտպանի յաջորդ հանդիպումը «Հայկական Սահմանադրական
Իրաւապաշտպան Կենտրոն» (ՀՍԻԿ) հասարակական կաղմակերպությունում էր:
Ա.Յարութիւնեյանը դրական է գնահատել ՀՍԻԿ-ի կողմից իրականացուած
բազմաթիւ նախաձեռնութիւնները, մասնաւորապէս` Մարդու իրաւունքների
դպրոցի երկարատեւ գործունէութիւնը, դպրոցի շէնքի կառուցմանն
ուղղուած ՀՍԻԿ-ի նախաձեռնութիւնները: Այցի շրջանակներում տեղի է
ունեցել նաեւ Պաշտպանի հանդիպումը դպրոցի մանկավարժների հետ:
Ըստ ՀՀ Մարդու իրաւունքների պաշտպանի աշխատակազմի
տեղեկատուութեան եւ հասարակայնութեան հետ կապերի բաժնի
հաղորդագրութեան, այցելութեան աւարտին Ա.Յարութիւնեյանը
հիւրընկալուել է »Լոռի» հեռուստաընկերութիւն, որտեղ ուղիղ եթերում
տեղի է ունեցել հանդիպում մի շարք ՀԿ-ների եւ ուսանողների հետ:
Հաղորդման ընթացքում մարզի բնակիչներին հնարաւորութիւն է տրուել
Պաշտպանին ուղղել իրենց յուզող հարցերը: