ԼԻՏՎԱՅԻ ԱԳՆ. ՎԻԼՆՅՈՒՍԸ ԱՄՆ-Ի ՀԵՏ ՀՀՊ ՏԵՂԱԿԱՅՄԱՆ
ԲԱՆԱԿՑՈՒԹԻՒՆՆԵՐ ՉԻ ՎԱՐՈՒՄ
18-06-2008 16:21:00 | | Միջազգային
ՎԻԼՆԻՒՍ, 18 ՅՈՒՆԻՍԻ, ՆՈՅԵԱՆ ՏԱՊԱՆ: Լիտվայի արտաքին գործերի
նախարարութիւնը հերքել է այն հաղորդումները, թէ իբր Վիլնյուսը
Վաշինգտոնի հետ բանակցութիւններ է վարում լիտւական տարածքում
ԱՄՆ-ի հակահրթիռային պաշտպանութեան համակարգի տարրեր տեղակայելու
շուրջ: Այս մասին հաղորդում է «Նովոստի» գործակալութիւնը:
«Լիտվան ոչ մի տեսակի բանակցութիւններ չի վարում իր
տարածքում ՀՀՊ համակարգի տեղակայման վերաբերեալ»,- յայտարարել է
Լիտվայի ԱԳՆ հասարակայնութեան հետ կապերի եւ լրատւութեան
դեպարտամենտի ղեկավար Վիոլետտա Գայժաուսկայտեն:
Ընդ որում նա նշել է, որ Վիլնիւսում «դրական են գնահատում
Լեհաստանում ՀՀՊ համակարգի տեղակայման հնարաւորութիւնը»:
ԴԱՍ. ՀԱՅԵՐԵՆ 
Հայերեն
Русский
English
French