ՁԵՐԲԱԿԱԼՈՒԵԼ Է ՍԿԻՆՀԵԴՆԵՐԻ ԲԱՆԴԱ, ՈՐ ԿԱՍԿԱԾՒՈՒՄ Է 20 ՄԱՐԴՈՒ
ՍՊԱՆՈՒԹԵԱՆ ՄԷՋ
17-06-2008 19:51:00 | Ռուսաստան | Միջազգային
ՄՈՍԿՈՒԱ, 17 ՅՈՒՆԻՍԻ, ՆՈՅԵԱՆ ՏԱՊԱՆ: Պոդմոսկովիեի
ոստիկանութեան աշխատակիցները ձերբակալել են մի խումբ սկինհեդների,
որոնք կասկածւում են Մոսկուայի եւ Պոդմոսկովիեի տարածքում ոչ
սլավոնական արտաքինով առնուազն 20 մարդու սպանութեան մէջ: Այս մասին
հաղորդում է «Նովոստի» գործակալութիւնը:
Ինչպէս յայտնել է Մոսկուայի մարզի իրավապահ մարմինների
աղբիւրը, ծագումով Միջին Ասիայից եւ Կովկասից մարդկանց
սպանութիւնները հետաքննելիս ձերբակալուել է 17-20 տարեկան վեց անձ:
Նրանք բոլորը Մոսկուայի եւ Պոդմոսկովիեի բնակիչներ են:
Նախաքննութիւնը տվյալներ ունի նաեւ, որ ձերբակալուած
սկինհեդների թւում են մարզի Պուշկինսկի, Միտիշչինսկի եւ
Սերգիեւո-Պոսադսկի շրջաններում կովկասցիներին պատկանող առեւտրի
կրպակների հրկիզումների եւ պայթեցումների կազմակերպման եւ
իրականացման մասնակիցներ: