ԻՐԱՔԻ ՎԱՐՉԱՊԵՏ. ԱՄՆ-Ի ՀԵՏ ԲԱՆԱԿՑՈՒԹԻՒՆՆԵՐԸ ՓԱԿՈՒՂԻ ԵՆ ՄՏԵԼ
13-06-2008 16:41:00 | | Միջազգային
ԱՄՄԱՆ, 13 ՅՈՒՆԻՍԻ, ՆՈՅԵԱՆ ՏԱՊԱՆ: Իրաքի եւ ԱՄՆ-ի միջեւ
երկարաժամկէտ ռազմավարական գործընկերութեան համաձայնագրի շուրջ
բանակցութիւնները փակուղի են մտել: Այս մասին, ինչպէս հաղորդում է
ԻՏԱՌ-ՏԱՍՍ-ը, Յորդանանի մայրաքաղաք Ամմանում յայտարարել է Իրաքի
վարչապետ Նուրի ալ-Մալիքին:
«ԱՄՆ-ը ձգտում է սահմանափակել մեր ինքնիշխանութիւնը»,-
ընդգծել է նա:
Օրեր առաջ Իրաքի փոխվարչապետ Բարհամ Սալեհը նշել էր, որ
նախապատրաստւող համաձայնագիրը, որ պէտք է հստակեցնի Բաղդադի եւ
Վաշինգտոնի միջեւ յարաբերութիւնների ապագայ կարգավիճակը, ամերիկեան
զորքերին իրաքեան տարածքում գոծողությունների ազատութիւն չի
ընձեռի: