ԹԵԼ ԱՒԻՒ, 13 ՅՈՒՆԻՍԻ, ՆՈՅԵԱՆ ՏԱՊԱՆ: Իսրայելի պաշտպանութեան
նախարար Էհուդ Բարաքը յայտարարել է, որ կպաշտպանի խորհրդարանը
ցրելու ընդդիմութեան կոչերը, եթէ երկրի վարչապետ Էհուդ Օլմերտը մօտ
ժամանակահատուածում հրաժարական չտա: Այս մասին հաղորդում է BBC-ն:
Պաշտպանութեան նախարարը յայտարարել է, որ բոլոր ուժերը
կգործադրի, որպէսզի խորհրդարանի լուծարումն սկսուի յունիսի 25-ին:
Բարաքը նախկինում եւս Էհուդ Բարաքին հորդորել է հրաժարական
տալ, սակայն մինչ օրս իր ելոյթներում որեւէ որոշակի ժամկէտ չէր
նշել:
Վերլուծաբանները ենթադրում են, որ Իսրայելի պաշտպանութեան
նախարարի յայտարարութիւնը ցոյց է տալիս, որ նա պատրաստ է վճռական
գործողութիւնների:
Խորհրդարանը ցրելը երկրում կհանգեցնի վաղաժամկէտ
ընտրութիւնների: Նորմալ ընթացքի դէպքում յաջորդ ընտրութիւնները
Իսրայելում պէտք է կայանան 2010 թուականին: