ՈՒԳՈ ՉԱՎԵՍԸ ՊԱՐԵՆԱՅԻՆ ՃԳՆԱԺԱՄԻ ՀԱՄԱՐ ՄԵՂԱԴՐԵԼ Է
ԿԱՊԻՏԱԼԻՍՏԱԿԱՆ ՀԱՄԱԿԱՐԳԻՆ
13-06-2008 14:06:00 | | Միջազգային
ԿԱՐԱԿԱՍ, 13 ՅՈՒՆԻՍԻ, ՆՈՅԵԱՆ ՏԱՊԱՆ: Համաշխարհային պարենային
եւ էներգետիկական ճգնաժամը վկայում է «զարգացման կապիտալիստական
համակարգի տապալման» մասին: Ինչպէս հաղորդում է ԻՏԱՌ-ՏԱՍՍ-ը, այդ
մասին յայտարարել է Վենեսուելայի նախագահ Ուգո Չավեսը:
Վենեսուելայի նախագահը նշել է, որ անգամ զարգացած երկրներում
եւ առաջին հերթին ԱՄՆ-ում էկոնոմիկան անկում է ապրում, աճում է
գործազուրկների, աղքատների եւ տնանկների թիւը:
Չավեսը յայտարարել է, որ վերջին տարիներին Վենեսուելայում,
ընդհակառակը, նկատւում են տնտեսական աճի բարձր տեմպեր եւ
գործազրկութեան մակարդակի նուազում, որովհետեւ երկիրը ձեռնամուխ է
եղել «XXI դարի իսկական սոցիալիզմի» կառուցմանը: