ԱՒՏՈՎԹԱՐԻՑ ԶՈՀՈՒԵԼ Է ՀԱՅԱՍՏԱՆԻ ԱՆՈՒԱՆԻ ՀԵԾԱՆՎՈՐԴ ՕԼԵԳ
ԿԼԵՎՑՈՎԸ
09-06-2008 13:30:00 | Ռուսաստան | Սպորտ
ՄՈՍԿՈՒԱ, 9 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 8-ին Մոսկուայում
աւտովթարի զոհ է դարձել Խորհրդային Միութեան սպորտի վաստակաւոր
վարպետ Օլեգ Կլեվցովը: Նա ծնուել է 1971թ.-ին Երեւանում, աւարտել
Ֆիզիկական կուլտուրայի հայկական պետական ինստիտուտը, Հայաստանի
հրապարակային հեծանվավազքի հաւաքականի կազմում նուաճել է
Համամիութենական երիտասարդական առաջին խաղերի, Աշխարհի
երիտասարդական եւ մեծահասակների առաջնութիւնների չեմպիոնի
կոչումը, դարձել Բարի կամքի խաղերի ոսկէ մեդալակիր եւ աշխարհի
գաւաթակիր:
Վաստակաւոր մարզիչ Ալբերտ Սոլոյեանի աշակերտը սիրողական
սպորտին հրաժեշտ տալուց յետոյ (1992թ.) անդամագրուեց Իսպանիայի
«Սանտա Կլարա» պրոֆեսիոնալ ակումբին: Երեւանցի վարպետը խճուղային
հեծանւորդների մրցավեճում նույնպես փայլեց` իր հաշուին գրանցելով
բազում յաղթանակներ:
Օլեգ Կլեվցովի հուղարկավորությունը հեծանվորդի նախկին
թիմակից, ԽՍՀՄ արծաթէ մեդալակիր Սամուէլ Նազարեանի գլխաւորութեամբ
կազմակերպել է Մոսկուայի հայ համայնքը: