ԵՐԵՎԱՆ, 6 ՅՈՒՆԻՍԻ, ՆՈՅԵԱՆ ՏԱՊԱՆ: 2007թ.-ի օգոստոսին
«Արարատբանկ»-ը դարձաւ բաց բաժնետիրական ընկերութիւն եւ արդէն
դեկտեմբերին ուներ նոր 86 բաժնետէր: Բանկի բաժնետոմսերի նկատմամբ
հետաքրքրութիւն են ցուցաբերում նաեւ արտերկրի ներդրումային
ընկերություններն ու առեւտրային բանկերը, եւ «Արարատբանկ»-ը
շարունակելու է բաժնետոմսերի թողարկումը: Այս մասին յունիսի 6-ի
ասուլիսում յայտնեց «Արարատբանկ»-ի վարչութեան նախագահ, գործադիր
տնօրէն Աշոտ Օսիպյանը:
Նա նշեց, որ բանկը, որպէս արժեթղթեր, նաեւ` պարտատոմսեր
թողարկող, շահագրգռուած է Հայաստանի ֆոնդային բորսայի զարգացմամբ`
իր գոհունակութիւնը յայտնելով OMX-ի կողմից բորսայի ձեռքբերման
կապակցութեամբ:
Անդրադառնալով «Արարատբանկ»-ի կողմից մատուցուելիք նոր
ծառայութիւններին, Ա.Օսիպյանը նշեց, որ բանակցութիւններ են
վարւում արտերկրի ֆինանսական հաստատութիւնների հետ` բանկի կողմից
միջազգային չափանիշներին համապատասխանող ֆակտորինգի
ծառայութիւնների մատուցումը մօտ ապագայում սկսելու ուղղութեամբ:
Ծառայութիւնը մատուցուելու է միջազգային կառոյցների հետ
համագործակցութեամբ: Բանկն արդէն իսկ ակտիւ գործունէութիւն է
ծավալել արտաքին առեւտրով զբաղվողներին ակրեդիտիվներով
ծառայութիւնների մատուցման ոլորտում:
Նշուեց, որ «Արարատբանկ»-ը ներդրել է վարկաւորման,
մասնաւորապէս, միկրովարկավորման նոր պրոդուկտներ: Միկրովարկավորման
ոլորտում այդ ֆինանսական հաստատութիւնը համագործակցում է
Վերակառուցման եւ զարգացման եւրոպական բանկի հետ, եւ այդ
ծառայութիւնը մատուցում է գերմանական ֆինանսական
հաստատութիւններից մէկից ստացուած տեխնոլոգիաներով:
Ա.Օսիպյանը յաւելեց, որ մինչեւ 2009թ.-ի առաջին եռամսյակի
վերջն «Արարատբանկ»-ը ներկայիս 20-ի փոխարէն կունենայ 30
մասնաճիւղ: «Արարատբանկ»-ը լինելու է մանրածախ բանկ եւ
շարունակելու է մասնակցել բանկային ծառայութիւնների մատուցման
օրենսդրական ակտերի մշակմանը եւ համապատասխան առաջարկութիւնների
ներկայացմանը»,- ընդծեց բանկի գործադիր տնօրէնը:
Նա նաեւ նշեց, որ այդ հաստատութիւնը նախատեսում է առաջիկայ
շաբաթում թողարկել իր առաջին «MASTERCARD»-ը: Մինչ այժմ
«Արարատբանկ»-ը թողարկել է տարբեր վարկային ծառայութիւնների համար
նախատեսուած եւ «աշխատավարձային» 14 հազ. «արքայ» պլաստիկ քարտեր եւ
այդ ցուցանիշով 5-րդն է ՀՀ բանկային համակարգում, սակայն
նախատեսում է դառնալ 3-րդը` մինչեւ այս տարուայ վերջ թողարկված
պլաստիկ քարտերի ընդհանուր թիւը հասցնելով 30 հազարի: Ներկայումս
բանկն ունի 16 բանկոմատ եւ նախատեսում է դրանց թիւը մինչեւ տարուայ
վերջ հասցնել 40-ի, իսկ ՊՕՍ-տերմինալների թիւը` ներկայիս 120-ի
դիմաց 300-ի: