ԲԵՅՐՈՒԹ, 26 ՄԱՅԻՍԻ, ՆՈՅԵԱՆ ՏԱՊԱՆ: Լիբանանի խորհրդարանը
մայիսի 25-ին պետութեան ղեկավար է ընտրել երկրի զինուած ուժերի
հրամանատար գեներալ Միշել Սուլեյմանին: Լիբանանի նախագահի պաշտօնը
2007թ. նոյեմբերից թափուր էր մնում ներքաղաքական հակամարտութեան
պատճառով` հանգեցնելով շատ սուր ճգնաժամի:
Ընտրութիւնները հնարաւոր դարձան Արաբական պետութիւնների
լիգայի միջնորդութեան եւ Քաթարի մայրաքաղաք Դոհայում
հակամարտութեան կողմերի հաշտութեան բանակցութիւնների շնորհիւ:
Հնգօրեայ քննարկումների արդիւնքում հակառակորդները` կառավարող
կոալիցիան, որին սատարում է Արեւմուտքը, եւ ընդդիմությունը`
«Հզբոլլահ» շիա-մահմեդական շարժման գլխաւորութեամբ,
պայմանավորվածություններ ձեռք բերեցին նախագահի ընտրութեան, նոր
կառավարութեան ձեւաւորման եւ նոր ընտրական օրէնքի ընդունման
առնչութեամբ: