ԼԻԲԱՆԱՆԻ ԿԱՌԱՎԱՐՈՒԹԻՒՆԸ ՉԵՂԵԱԼ Է ՅԱՅՏԱՐԱՐԵԼ «ՀԶԲՈԼԼԱՀ»
ՇԱՐԺՄԱՆ ԴԷՄ ՈՒՂՂՈՒԱԾ ՄԻՋՈՑՆԵՐԸ
15-05-2008 19:26:00 | | Միջազգային
ԲԵՅՐՈՒԹ, 15 ՄԱՅԻՍԻ, ՆՈՅԵԱՆ ՏԱՊԱՆ: Լիբանանի կառավարութիւնը
պաշտօնապէս չեղեալ է յայտարարել «Հզբոլլահ»-ի դէմ ձեռնարկուած
միջոցները, որոնք կատաղի զինուած բախումների պատճառ էին դարձել
կառավարող կոալիցիայի կողմնակիցների եւ այդ շիա մահմեդական
կազմակերպութեան գրոհայինների միջեւ: Այս որոշման մասին, ինչպէս
հաղորդում է ԻՏԱՌ-ՏԱՍՍ-ը, յայտարարել է Լիբանանի վարչապետ Ֆուադ
աս-Սինիորան:
Ըստ նրա, կառավարութիւնը որոշել է զիջումների գնալ
ընդդիմությանը, որպէսզի պահպանի քաղաքացիական խաղաղութիւնը: Դրա
վերաբերեալ պայմանաւորուածութիւն է ձեռք բերուել չորեքշաբթի
Բեյրութում սիրիամետ ընդդիմութեան եւ արեւմտամետ կառավարող
կոալիցիայի ներկայացուցիչների միջեւ: