ՊԱՏԵՐԱԶՄԻ ՀԻՆԳ ՏԱՐԻՆԵՐԻՆ ԻՐԱՔՈՒՄ ՍՊԱՆՈՒԵԼ Է ՄՕՏ ՄԷԿ ՄԻԼԻՈՆ
ԻՐԱՔՑԻ
10-04-2008 14:27:00 | | Միջազգային
ԴՈՀԱ, 10 ԱՊՐԻԼԻ, ՆՈՅԵԱՆ ՏԱՊԱՆ: Մօտ մէկ միլիոն իրաքցի
սպանուել է, երեք միլիոնից աւելի` վիրաւորուել, երկու միլիոնը`
գաղթել արտասահման եւ եւս 2,5 միլիոնը հարկադրուած է եղել
վերաբնակուել երկրի աւելի անվտանգ շրջաններում: Այսպիսին են իրաքեան
պատերազմի հինգ տարիների արդիւնքները: Այս մասին հաղորդում է
«Նովոստի» գործակալութիւնը վկայակոչելով «Ալ-Ջազիրա»
հեռուստաալիքի տուեալները:
«Էլեկտրականությունը մատակարարւում է օրական մէկ-երկու ժամ:
Իրաքցիների 70%-ից աւելին խմելու ջրի պակաս է զգում, իսկ երեխաների
մօտ 30%-ը սննդամթերքի անբաւարարութեան պատճառով տառապում են
հյուծվածությունից»,- հաղորդում է «Ալ-Ջազիրան»:
Երկրում ծաղկում է կոռուպցիան: Տարեկան, հեռուստաալիքի
տուեալներով, Իրաքը չորս միլիարդից աւելի դոլար է կորցնում «երկրի
վերականգնման համար յատկացուած միջոցների հետ կատարւող
մեքենայութիւնների պատճառով»: