ՍԱԴԱՄ ՀՈՒՍԵՅՆԻ ՈՐԴԻՆ ԱՀԱԲԵԿՈՒԹԻՒՆ ԷՐ ՆԱԽԱՊԱՏՐԱՍՏՈՒՄ
ԼՈՆԴՈՆՈՒՄ
24-03-2008 20:06:00 | | Միջազգային
ԼՈՆԴՈՆ, 24 ՄԱՐՏԻ, ՆՈՅԵԱՆ ՏԱՊԱՆ: Սադամ Հուսեյնի որդի Ուդեյը
2000 թուականին ապրիլին ծրագրել էր իրաքեան ընդդիմութեան առաջնորդի
մահափորձը Լոնդոնում:
Ինչպէս հաղորդում է բրիտանական «Թայմս» պարբերականը
վկայակոչելով Պենտագոնի հաշուէտւութիւնը, Ուդեյը ահաբեկիչների հետ
դավադրության մէջ է մտել Իրաքեան ազգային կոնգրեսի ղեկավար Ահմեդ
Չալաբիի սպանութեան նպատակով, որն այդ ժամանակ ապրում էր Մեծ
Բրիտանիայում:
Ուդեյը սպանութեան իրականացման ցուցումներ է տուել
գրոհայիններին 1999 թուականին: Հրամանի համաձայն, 10 լաւագոյն
գրոհայիններ ամէն գնով պէտք է իրականացնեին սպանութիւնը:
Բացայայտման դէպքում, նրանց պարտադրաբար յանձնարարուել է
ինքնասպանութիւն գործել:
Սակայն մտադրութիւնը տապալուել է այն պատճառով, որ խմբաւորման
ակտիւիստները չեն կարողացել Մեծ Բրիտանիայի վիզաներ ստանալ: