ՄԻ ՔԱՆԻ ՀԱՐԻՒՐ ՍԵՐԲ ՑՈՒՑԱՐԱՐՆԵՐ ԳՐՈՀԵԼ ԵՆ ՈՍՏԻԿԱՆԱԿԵՏԸ
ԿՈՍՈՎՈՅԻ ՍԱՀՄԱՆՈՒՄ
21-02-2008 19:42:00 | | Միջազգային
ԲԵԼԳՐԱԴ, 21 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Մի քանի հարիւր սերբ
ցուցարարներ, որոնք դէմ են անկախութեան հռչակմանը Պրիշտինայի
կողմից, այսօր գրոհել են ոստիկանական բլոկպոստը Կոսովոյի հետ
Սերբիայի վարչական սահմանին կից Մերդար բնակավայրի մօտ, հաղորդում
է ԻՏԱՌ-ՏԱՍՍ-ը:
Ըստ տեղի ոստիկանութեան հաղորդման, կարգուկանոնի սպասաւորները
պողպատե խափանիչ կառոյցների օգնութեամբ փակել են ցուցարարների
ճանապարհը դէպի Կոսովո: Ի պատասխան, բողոքարարները բլոկպոստի վրայ
քարեր են նետել: Միջադէպի հետեւանքով զոհերի եւ տուժածների մասին
չի հաղորդւում:
Դէպքի վայրից ստացւող տեղեկութիւնների համաձայն,
ցուցարարներին դիմակայում են մահակներով զինուած ոստիկաններ եւ մի
քանի հարիւր չեխ զինծառայողներ Կոսովոյում գտնուող ՆԱՏՕ-ի
խաղաղապահ զորակազմից: