ՍԱՄՈՒԷԼ ԱՄԻՐԱՂՅԱՆ. ՀԱՅԿԱԿԱՆ ՇՈՈՒ ԲԻԶՆԵՍԸ ՄՈՒՏՔ Է ԳՈՐԾԵԼ
ԵՐԳԱՐՎԵՍՏԻ ՄԻՋԱԶԳԱՅԻՆ ՇՈՒԿԱՅ
08-02-2008 16:10:00 | Հայաստան | Մշակոյթ
ԵՐԵՎԱՆ, 8 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայկական շոու բիզնեսն
արդէն մուտք է գործել երգարվեստի միջազգային շուկայ` պահպանելով
բոլոր այն չափանիշներն ու կանոնները, որոնք հաստատուած են այդ
ասպարէզում. երգիչ Համլետ Գեւորգեանը www.sonicbids.com հանրայայտ
կայքում անցեալ տարուայ նոյեմբերից չի զիջում առաջատարի դիրքերը: Այս
մասին փետրուարի 8-ին մամլոյ ասուլիսում յայտարարեց «Արմէնիան
մյուզիք սենթրի» տնօրէն Սամուէլ Ամիրաղեանը` նշելով, որ յիշեալ
կայքում «Ֆոլկի արքայ» խորագրի տակ Համլետ Գեւորգեանի նկարի կողքին
տեղադրուած է հայկական դրոշը:
Ս.Ամիրաղեանի խօսքերով, այս յաջողութիյունը ոչ միայն Համլետ
Գեւորգյանինն է, այլեւ բոլոր հայ երգիչներինը: «Մինչ օրս
Ռուսաստանից եւ կովկասեան երկրներից որեւէ երգիչ այդ ճանապարհով
դուրս չի եկել երգարվեստի միջազգային շուկայ: Համլետ Գեւորգեանը
հայկական ժողովրդական ու գուսանական երգերի ներկայացմամբ այլեւս
յաղթահարել է գոյութիւն ունեցող այդ պատնէշը»,- ընդգծեց
ընկերութեան տնօրէնը:
Ս.Ամիրաղեանը յայտնեց, որ երգարվեստի միջազգային «փակ
ցուցահանդեսին» Հայաստանի մասնակցութիւնը կայացել է Երաժշտական
կենտրոնների միջազգային ասոցիացիային «Արմէնիան մյուզիք սենթրի»
անդամակցութիւնից յետոյ: «Հրաւէրը ստանալուց յետոյ որոշեցինք
ներկայացնել Յովհաննէս Բադալեանի սան Համլետ Գեւորգեանին հայկական
ֆոլկով»,- նշեց Ս.Ամիրաղեանը:
«Արմէնիան մյուզիք սենթրի» տնօրէնը տեղեկացրեց նաեւ, որ իրենց
կազմակերպութիւնը յունվարի 25-ից մասնակցել է Նիացայում կայացած
Երաժշտական կենտրոնների միջազգային ասոցիացիայի 10-օրեայ
գագաթնաժողովին, որտեղ 47 երկրների շարքում ելոյթով հանդէս է եկել
նաեւ Հայաստանի ներկայացուցիչը, որի ելոյթը տեւել է 2,5 ժամ
(այնինչ միւս երկրների ներկայացուցիչներին ելոյթի համար
յատկացուած 15-ական րոպե) եւ աւարտուել ծափողջույններով:
Այս յաջողութիյունը մեծ հեռանկարներ է ստեղծել հայ երգիչների
համար` միջազգային երաժշտական շոու բիզնեսում ներկայանալու
առումով: «Միայն թուրքական 7 երաժշտական ընկերութիւններ
համագործակցութեան առաջարկներ են արել: Բացի այդ, առաջարկներ են
եղել նաեւ յայտնի մի քանի կազմակերպություններից եւ
հեռուստաընկերություններից` ցուցադրել հայ երգիչների հոլովակները,
իսկ 100-ից աւելի երկրներից հիւրախաղերի առաջարկ է եղել հենց
Համլետ Գեւորգեանին»,- յայտնեց Ս.Ամիրաղեանը: