«ՀԱՅՓՈՍՏ»-Ը ՀԱՄԱԿԱՐԳԻ ԱՐԴԻԱԿԱՆԱՑՄԱՆ ՆՊԱՏԱԿՈՎ ԱՅՍ ՏԱՐԻ
ԿՆԵՐԴՆԻ ՄՕՏ 3 ՄԼՆ ԴՈԼԱՐ
04-02-2008 19:00:00 | Հայաստան | Տնտեսութիւն
ԵՐԵՎԱՆ, 4 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Այս տարի «Հայփոստ»-ը
համակարգի արդիականացման նպատակով կներդնի մօտ 3 մլն ԱՄՆ դոլար`
անցած տարուայ 1 մլն-ի դիմաց: Ինչպէս փետրուարի 4-ին ընկերութեան
աշխատակիցների հետ հանդիպմանը նշեց գլխաւոր տնօրէն Հանս Բոոնը,
անցած տարի «Հայփոստ»-ի եկամուտները մօտ 30%-ով աճել են եւ կազմել
4,1 մլրդ դրամ (մօտ 13,4 մլն ԱՄՆ դոլար):
Ըստ Հ.Բոոնի, անցած տարի փոստային ծառայութիւնների որակը
բաւականին բարելաւուել է: Նշուեց, որ այս տարի կվերանորոգուեն
փոստային 50 բաժանմունքներ: Ընդհանուր առմամբ հանրապետութիւնում
գործող 900 փոստային բաժանմունքներից 80%-ում կտեղադրուի
համակարգչային տեխնիկա:
Նշենք, որ նոյն օրը Երեւանում վերաբացուեց Մարշալ Բաղրամեան
23 հասցեում գտնուող «Հայփոստ»-ի վերանորոգուած թիւ 19 փոստային
բաժանմունքը: