ԿԻԵՎՈՒՄ ԲՍԱՑՎԵԼ Է ՍԵՐԳԵՅ ՓԱՐԱՋԱՆՈՎԻ ԱՇԽԱՏԱՆՔՆԵՐԻ
ՑՈՒՑԱՀԱՆԴԷՍԸ
31-01-2008 20:20:00 | | Մշակոյթ
ԿԻԵՎ, 31 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 30-ին Կիեւում`
Ուկրաինայի գեղարուեստի ազգային թանգարանում, բացուել է աշխարահռչակ
կինոռեժիսոր Սեգեյ Փարաջանովի ցուցահանդէսը, ուր ներկայացուած են
նրա երեւանեան թանգարանից բերուած 55 աշխատանքները:
Ցուցահանդէսի բացման հանդիսաւոր արարողութեանը Ուկրաինայում
ՀՀ դեսպանութեան դեսպանորդ Ռազմիկ Խումարյանը նշել է, որ
Ս.Փարաջանովը մի իւրայատուկ հոգեւոր կամուրջ է հանդիսանում
Հայաստանի եւ Ուկրաինայի միջեւ, որը եւս մի վառ նրբերանգ է
աւելացնում երկու ժողովուրդների բազմադարեայ մշակոյթային կապերի
երփներանգ կտավին:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ ԱԳՆ Մամուլի եւ
տեղեկատուութեան վարչութիւնից, ցուցահանդէսը կգործի մինչեւ մարտի
15-ը: