ՀԱՅ-ԻՐԱՆԱԿԱՆ ՄՇԱԿՈՅԹԱՅԻՆ ՅԱՐԱԲԵՐՈՒԹԻՒՆՆԵՐԸ ԳՏՆՒՈՒՄ ԵՆ
ԲԱՐՁՐ ՄԱԿԱՐԴԱԿԻ ՎՐԱՅ,- ԱՍՈՒՄ Է ՌԵԶԱ ԱԹՈՒՖԻՆ
31-01-2008 18:40:00 | Հայաստան | Մշակոյթ
ԵՐԵՎԱՆ, 31 ՅՈՒՆՎԱՐԻ, ՆՈՅԵԱՆ ՏԱՊԱՆ: «Հայ-իրանական
մշակոյթային յարաբերութիւնները գտնւում են բարձր մակարդակի վրայ եւ
տարածաշրջանում դրանք կարելի է համարել օրինակելի»: Այս մասին
յունվարի 31-ի ասուլիսում յայտարարեց Հայաստանում Իրանի
դեսպանութեան մշակոյթային խորհրդական Ռեզա Աթուֆին:
Նրա խօսքերով, բացի Հայաստանի եւ ԻԻՀ-ի մշակոյթի
նախարարութիւնների միջեւ կնքուած համաձայնագրերից, այս տարի
համագործակցութեան յուշագիր է կնքուել Հայաստանի Ազգային գրադարանի
եւ Իրանի ազգային գրադարան-արխիւի, ինչպէս նաեւ Երեւանի Խնկո Ապոր
անուան գրադարանի եւ Իրանի մանուկների մտաւոր զարգացման կենտրոնի
միջեւ: Ռ.Աթուֆին նշեց, որ Հայաստանում ԻԻՀ դեսպանութեան մշակոյթի
կենտրոնը պարբերաբար կազմակերպում է երկու երկրների մտաւորականների
փոխայցելություններ:
ԻԻՀ դեսպանատան մշակոյթի խորհրդականը յայտնեց, որ 2008թ.-ին
կշարունակուեն երկու երկրների մշակոյթային համագործակցութեան
ծրագրերը, կկազմակերպուեն մշակոյթի տարբեր ոլորտներին նուիրուած
միջոցառումներ: Այս տարի Հայաստանում կկազմակերպուի «Հայ-իրանական
գրական կամուրջներ» ամենամեայ միջոցառումը: Բացի դրանից,
նախատեսւում է Իրանում կազմակերպել հայկական, իսկ Հայաստանում
պարսկական մշակոյթի օրեր: