ՊԱԿԻՍՏԱՆԻ ՄԱՅՐԱՔԱՂԱՔՈՒՄ ԻՆՔՆԱՍՊԱՆՈՒԹԻՒՆ Է ԳՈՐԾԵԼ ԱՄԵՐԻԿԱՑԻ
ԴԻՒԱՆԱԳԷՏԸ
29-01-2008 18:00:00 | | Միջազգային
ԻՍԼԱՄԱԲԱԴ, 29 ՅՈՒՆՎԱՐԻ, ՆՈՅԵԱՆ ՏԱՊԱՆ: Պակիստանի մայրաքաղաք
Իսլամաբադում ինքնասպան է եղել ամերիկացի մի դիւանագէտ: Այս մասին
յայտնել է Reuters գործակալութիւնը` վկայակոչելով երկրի ՆԳՆ
ղեկավար Համիդ Նավազի յայտարարութիւնը:
«Մենք ենթադրում ենք, որ դա ինքնասպանութիւն է, սակայն
հետաքննութիւն ենք կատարում»,- ասել է նախարարը:
Պակիստանյան ԶԼՄ-ների տուեալներով, դիւանագէտի մարմինը
հրազէնային վերքով յայտնաբերուել է իր տանը, որ գտնւում է
դեսպանատան կողքին:
Պակիստանում ԱՄՆ-ի դեսպանութիւնը յայտարարութիւն է տարածել,
ուր նշւում է, որ ամերիկեան դիւանագիտական առաքելութեան աշխատակից
Կիտ Ռայանը «վախճանուել է» երկուշաբթի, ըստ որում չեն նշւում
դիւանագէտի մահուան պատճառները եւ հանգամանքները: