«ՀԱՅՌՈՒՍԳԱԶԱՐԴ»-Ը ՆԱԽԱՁԵՌՆԵԼ Է ԳԱԶԱԶԳԱՅՈՒՆ ՍԱՐՔԵՐԻ ՆԵՐԴՐՄԱՆ
ԳՈՐԾԸՆԹԱՑԸ
24-01-2008 20:00:00 | Հայաստան | Տնտեսութիւն
ԵՐԵՎԱՆ, 24 ՅՈՒՆՎԱՐԻ, ՆՈՅԵԱՆ ՏԱՊԱՆ: Ներտնային գազասպառման
համակարգերի շահագործման անվտանգութեան եւ պատահարների
կանխարգելման մակարդակի բարձրացման նպատակով «հայռուսգազարդ»-ը
նախաձեռնել է գազազգայուն սարքերի ներդրմանը գործընթացը: Ինչպէս
«ՆՈՅԵԱՆ ՏԱՊԱՆ»-ի թղթակցին յայտնեց ընկերութեան մամլոյ քարտուղար
Շուշան Սարդարեանը, այդ գործընթացն իրականացնելու եւ
հանրապետութեան ողջ տարածքում բազմաբնակարան շէնքերի
գազասպառողներին անվտանգութեան համակարգերով ապահովելու
աշխատանքները սկսելու նպատակով «հայռուսգազարդ»-ը դիմել է ՀՀ
Քաղաքաշինութեան նախարարութիւն` նորմատիվ տեխնիկական
փաստաթղթերում փոփոխութիւններ կատարելու անհրաժեշտութեան, եւ
Հանրային ծառայութիւնները կարգաւորող յանձնաժողով` ծրագիրը
ընկերութեան ներդրումային ծրագրում ներառելու մասին առաջարկներով:
Նշուեց, որ ազդանշանիչ սարքերը ծառայում են կենցաղային
գազասարքեր տեղադրուած շէնքերում այրուող գազերի պարունակութիւնը
վերահսկելու համար: Ազդանշման համար սահմանուած արժէքները
գերազանցելու դէպքում սարքերը տալիս են ձայնային-լուսային ազդանշան
եւ հրաման` դադարեցնելու գազի մատակարարումը գազասարքերին: