ԵՐԻՑՅԱՆ. ՀԱՅԱՍՏԱՆԸ ՔԻՉ ԽՈՑԵԼԻ Է ԱՐՏԱՔԻՆ ՏՆՏԵՍԱԿԱՆ
ՑՆՑՈՒՄՆԵՐԻ ՊԱՐԱԳԱՅՈՒՄ
23-01-2008 20:45:00 | Հայաստան | Տնտեսութիւն
ԵՐԵՎԱՆ, 23 ՅՈՒՆՎԱՐԻ, ՆՈՅԵԱՆ ՏԱՊԱՆ: ԱՄՆ-ում տնտեսական
հնարաւոր անկումը կարող է բերել այդ երկրում եկամուտների նուազման
ու այդ երկրից Հայաստան ուղղվող ոչ պաշտօնական տրանսֆերտների
ծաւալների նուազման, որը կարող է նուազեցնել դրամի արժեւորման
ճնշումը: Այս կարծիքը յունվարի 23-ի ասուլիսում յայտնեց ՀՀ առեւտրի
եւ տնտեսական զարգացման նախարար Ներսէս Երիցյանը:
Նրա խօսքերով, մէկ այլ, պակաս հաւանական սցենարի համաձայն,
եթէ ԱՄՆ-ում դոլարի փոխարժէքի ճշգրտումը գնայ վճարային հաշուէկշռի
հաշուին, (ինչը քիչ հաւանական է, քանի որ ԱՄՆ-ը չի կարող
ամբողջութեամբ դադարեցնել երկրի արտաքին ֆինանսավորումը), ապա
դոլարը կարող է աւելի արագ արժեզրկուել: «Այդ դէպքում մենք պէտք է
կարողանանք հնարավորինս ճշգրտել մեր դրամավարկային
քաղաքականութիւնը», ասաց նախարարը, որի կարծիքով երկրորդ
տարբերակը պակաս բարենպաստ է Հայաստանի համար:
Ըստ նրա, 2007թ.-ին 2006թ.-ի համեմատ ԱՄՆ դոլար-հայկական
արժոյթ իրական փոխարժեքը չի արժեւորուել Հայաստանի հիմնական
առեւտրային գործընկերների նկատմամբ:
Երիցյանը յայտնեց, որ Հայաստանից արտահանուող հանքահումքային
արտադրանքի միջազգային բարձր գները պայմանաւորուած են ոչ թէ ԱՄՆ-ի,
այլ արագ աճող, խոշոր տնտեսութիւն ունեցող երկրների պահանջարկով:
Միաժամանակ, նախարարի կանախատեսմամբ, պղնձի եւ մոլիբդենի
միջազգային գների նուազումը քիչ հաւանական է միջինժամկէտ յատուածում,
քանի որ այդ հումքատեսակներն օգտագործւում են, մասնաւորապէս,
Չինաստանի եւ Հնդկաստանի բարձրտեխնոլոգիական ոլորտներում, որտեղ
ներդրումների հոսքը կշարունակուի:
Նախարարը յաւելեց, որ վերջին 10 տարուայ ընթացքում ներմուծման
եւ արտահանման յարաբերութիւնը փոքրացել է: Դա բնորոշ է արագ
տնտեսական աճ ունեցող, վառելիքային ռեսուրսներ չարտադրող երկրների
համար, որոնցում ներմուծումը տնտեսական ցիկլի աճի փուլում լինում է
մեծ: Նրա խօսքերով, Հայաստանի ներմուծումը բնորոշւում է
տեխնոլոգիական փոխանցում ապահովող եւ կեանքի որակը բարելաւող
ապրանքների մեծ բաժնով, իսկ սննդամթերքի բաժինը նուազում է:
Արտահանման մէջ առկան է պատրաստի տեխնոլոգիական եւ սպառողական
ապրանքների, այդ թւում` գիւղմթերքների վերամշակման արդիւնք
հանդիսացող ապրանքների բաժնի մեծացում:
Նախարարը նաեւ ասաց, որ արտաքին առեւտրի բացասական հաշվեկռի
յարաբերութիւնը ՀՆԱ-ին Հայաստանում բարձր չէ (երկու անգամ ցածր է,
քան Վրաստանում): Բացի այդ, Հայաստանի արտաքին պահուստների ծաւալն
այնպիսին է, որ արտաքին տնտեսական ցնցումների դէպքում Հայաստանի
մակրոտնտեսկան կայունութիւնը չի խաթարվի: