ԸՍՏ ՎԱՀՐԱՄ ԲԱՐՍԵՂԵԱՆԻ, ՇԱՏ ԸՆԿԵՐՈՒԹԻՒՆՆԵՐ ՓՈՐՁՈՒՄ ԵՆ
Ֆ ՀԱՐԿԵՐԻՑ ԴՈՒՍՏՐ ՁԵՌՆԱՐԿՈՒԹԻՒՆՆԵՐԻ ՄԻՋՈՑՈՎ
23-01-2008 20:00:00 | Հայաստան | Տնտեսութիւն
ԵՐԵՎԱՆ, 23 ՅՈՒՆՎԱՐԻ, ՆՈՅԵԱՆ ՏԱՊԱՆ: Անցած տարի հարկային
մարմինների կողմից ՀՀ պետբիւջէ է մուտքագրուել 284 մլրդ 781,5 մլն
դրամ (ըստ միջին տարեկան փոխարժէքի, մօտ 833 մլն ԱՄՆ դոլար), ինչը
մօտ 65 մլրդ դրամով գերազանցել է 2006թ. ցուցանիշը: Ինչպէս
յունվարի 23-ի ասուլիսում նշեց Հարկային պետական ծառայութեան պետ
Վահրամ Բարսեղեանը, մասնաւորապէս երկրորդ կիսամեակում հնարաւոր է
եղել ապահովել հաւաքագրման աճ ամսական 7-10 մլրդ դրամի չափով:
Վ.Բարսեղեանը տեղեկացրեց, որ անցած տարի ծառայութեանը
յաջողուել է ամբողջութեամբ մարել հարկ վճարողների նկատմամբ
կուտակուած գերավճարների ողջ գումարը` 21 մլրդ 318 մլն դրամ: Նա
յայտնեց, որ աճ է գրանցուել բոլոր հարկատեսակների մուտքի գծով,
բացառութեամբ ակցիզային հարկի: Պարզեցուած հարկի մուտքերը աճել են
30,8%-ով կազմելով 10 մլրդ 39 մլն դրամ, ինչը, ըստ նրա, զգալիօրէն
պակաս է հաշուարկային սպասումից: 2007թ.-ին փոքր ձեռնարկութիւնների
համար նախատեսուած այս հարկով հարկւող ընկերութիւնների քանակը աճել
է 13 անգամ, իսկ հարկային մուտքերը` ընդամէնը 2 անգամ: Ըստ
Բարսեղեանի, այդ 26325 կազմակերպութիւնների զգալի մասը չպէտք է
աշխատի պարզեցուած հարկով, քանի որ դրանք խոշոր ընկերութիւնների
կողմից ստեղծուած դուստր ձեռնարկութիւններ են, դրանք այդ կերպ
փորձում են ֆ հարկերից: