ԿՈՍՈՎՈՅԻ ԱՆԿԱԽՈՒԹԻՒՆԸ ՀՂԻ Է ՀԻՄՆԱԽՆԴԻՐՆԵՐՈՎ,- ՅԱՅՏԱՐԱՐՈՒՄ
Է ԲՈՐԻՍ ԳՐԻԶԼՈՎԸ
19-11-2007 20:03:00 | | Միջազգային
ԲԵՌԼԻՆ, 19 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Բեռլինում «Ռուսաստան եւ
Եւրոպա. միասին զարգացման ճանապարհով» միջազգային համաժողովի
ժամանակ Բորիս Գրիզլովը նախազգուշացրել է Կոսովոյի անկախութեան
հռչակման առնչութեամբ. «Այդ օրինակը միայն նոր խնդիրներ կստեղծի
ամենատարբեր երկրներում եւ տարածաշրջաններում»,- ասել է նա:
Ինչպէս հաղորդում է ԻՏԱՌ-ՏԱՍՍ-ը, ՌԴ Պետդումայի նախագահը
յայտարարել է «Կոսովոյի հարցին վերջ դնելու հապճեպ փորձերի» եւ
Կոսովոյի վերաբերեալ ՄԱԿ-ի Անվտանգութեան խորհրդի բանաձեւից, որպէս
խնդրի կարգաւորման միակ օրինական հիմքից, հրաժարուելու
անթոյլատրելիութեան մասին:
Բորիս Գրիզլովը իր ելոյթում յայտարարել է, որ «Ռուսաստանում
տագնապով են հետեւում անվտանգութեան ենթակառուցվածքի ապամոնտաժման
փորձերին»: «Ինձ համար ակնյայտ է, որ Եվրոպայում լարուածութեան աճի
սպառնալիքը միանգամայն իրական է»,- ասել է նա: