ՌՈՒՍԱՍՏԱՆԻ ԴԱՇՆՈՒԹԵԱՆ ԽՈՐՀՈՒՐԴԸ ՀԱՍՏԱՏԵԼ Է ԵՍԶՈՒՊ-Ի
ԳՈՐԾՈՂՈՒԹԻՒՆԸ ԴԱԴԱՐԵՑՆԵԼՈՒ ՄԱՍԻՆ ՕՐԷՆՔԸ
16-11-2007 19:42:00 | Ռուսաստան | Միջազգային
ՄՈՍԿՈՒԱ, 16 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Ռուսաստանի Դաշնութեան
խորհուրդը նոյեմբերի 16-ին հաւանութիւն է տուել «Եւրոպայի
սովորական զինուած ուժերի մասին պայմանագրի (ԵՍԶՈՒՊ) գործողութիւնը
Ռուսաստանի Դաշնութեան կողմից դադարեցնելու մասին» օրէնքին: Օրէնքը
դադարեցնում է 1990 թուականին Փարիզում ստորագրուած պայմանագրի
գործողութիւնը: Նրա գործողութեան վերականգնման մասին որոշումն
ընդունում է ՌԴ նախագահը:
Օրէնքն ընդունվում է նախագահի հրամանագրին համապատասխան`
«բացառիկ հանգամանքների առնչութեամբ, որոնք վերաբերում են
Պայմանագրի բովանդակութեանը եւ շոշափում Ռուսաստանի Դաշնութեան
անվտանգութիւնը, ինչպէս նաեւ պահանջում անհետաձգելի
միջոցառումների ընդունում»:
Պայմանագրի գործողութեան մորատորիումի ժամկէտը սկսւում է 2007
թուականի դեկտեմբերի 12-ից: