ՄՈՍԿՈՒԱ, 14 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Եվրոպայում ԱՄՆ-ի ՀՀՊ տարրերի տեղակայման Ռուսաստանի կողմից պատասխանի տարբերակներից մէկը կարող է լինել ռուսական օպերատիւ-մարտավարական «Իսկանդեր» հրթիռային համալիրների մատակարարումը Բելոռուսիային: Այս կարծիքը յայտնել է ՌԴ ԶՈՒ հրթիռային զօրքերի եւ հրետանու պետ, գեներալ-գնդապետ Վլադիմիր Զարիցկին, հաղորդում է ԻՏԱՌ-ՏԱՍՍ-ը: «Ինչո՞ւ ոչ: Համապատասխան պայմանների եւ Բելոռուսիայի համապատասխան դիրքորոշման դէպքում դա հնարաւոր է»,- ճշտել է Զարիցկին` մեկնաբանելով մինչեւ 2020 թուվականը Բելոռուսիայի ԶՈՒ հրթիռային բրիգադը «Իսկանդեր Է» ռուսական համալիրով վերազինելու ծրագրերի մասին իր բելոռուս գործընկերոջ` Միխայիլ Պուզիկովի յայտարարութիւնը: «Ցանկացած գործողութիւն պարտադիր հանդիպում է հակագործողության, նույնպես Չեխիայում եւ Լեհաստանում ԱՄՆ-ի ՀՀՊ տարրերի դէպքում»,- աւելացրել է գեներալը:

---