ԵՐԵՎԱՆ, 9 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Գրող, հրապարակախօս Հրաչեա Մաթեւոսեանի 70-ամեակին էր նուիրուած նոյեմբերի 9-ին Հայաստանի ազգային գրադարանում (ՀԱԳ) բացուած ցուցահանդէսը: Ցուցադրանքում ներկայացուած են արձակագրի ստեղծագործությունները, նրա մասին մամուլում հրապարակուած յօդուածներ, լուսանկարներ: ՀԱԳ-ի տնօրէն Դավիթ Սարգսեյանի խօսքերով, Հ.Մաթեւոսեանը այն գրողներից է, որոնք իրենց ստեղծագործություններով դառնում են ժամանակի գեղարուեստական եւ պատմական տարեգիրը: Ըստ նրա, արձակագրի գրիչը ծառայել է միայն ի շահ իր երկրի ու ժողովրդի. նա երբեք անտարբեր չի մնացել իր ժողովրդի ցավերին: «Արձակագիրը միշտ էլ հաւատարիմ է մնացել իր սկզբունքներին եւ երբեք չի ծառայել այս կամ այն պաշտոնյային: Իսկ նրա տուած դասերից ամենակարեւորն այն է, որ ճշմարիտ գրողը միշտ պէտք է լինի ժողովրդի հետ, այլ ոչ թէ իշխանութիւնների խնկարկուն»,- նշեց պատմաբան Արմէն Կարապետեանը:

---