ՀՀ ԿԱՌԱՎԱՐՈՒԹԵԱՆՆ ԵՆ ՆԵՐԿԱՅԱՑՈՒԵԼ ԱԺ-Ի ՊԱՏԳԱՄԱՒՈՐՆԵՐԻ
ԱՌԱՋԱՐԿՈՒԹԻՒՆՆԵՐԸ 2008 Թ.-Ի ՊԵՏԲԻՒՋԷԻ ՆԱԽԱԳԾԻ ՎԵՐԱԲԵՐԵԱԼ
07-11-2007 19:00:00 | Հայաստան | Տնտեսութիւն
ԵՐԵՎԱՆ, 7 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Նոյեմբերի 7-ին ՀՀ
կառավարութիւն է ներկայացուել Ազգային Ժողովի մշտական
յանձնաժողովներում 2008թ.-ի պետական բիւջէի նախագծի հոկտեմբերի
29-ից նոյեմբերի 2-ը կայացած նախնական քննարկումների արդիւնքում
ձեւաւորուած գրաւոր առաջարկները: Ինչպէս «ՆՈՅԵԱՆ ՏԱՊԱՆ»-ի թղթակցին
յայտնեցին ԱԺ աշխատակազմից, այդ առաջարկութիւնները, ինչպէս եւ
նախորդ տարիներին, վերաբերւում են ծախսային մասին:
2008թ.-ի պետբիւջէի նախագիծը կքննարկուի նոյեմբերի 12-ից
մեկնարկելիք ԱԺ-ի լիագումար նիստերում: Կառավարութեան կողմից
նախագծի ներկայացման եւ մտքերի փոխանակության աւարտից յետոյ
քննարկումը կընդմիջուի առնուազն 4 օրով: Վերսկսվելիք քննարկմանը
կառավարութիւնը կներկայացնի ստացած առաջարկութիւնների հիման վրայ
լրամշակուած պետբիւջէի նախագծի վերջնական տարբերակը: