ՔՐԷԱԿԱՆ ԳՈՐԾ Է ՅԱՐՈՒՑՈՒԵԼ «ՊԻՑՑԱ ԴԻ ՌՈՄԱ» ԸՆԿԵՐՈՒԹԵԱՆ
ՏՆՕՐԷՆԻ ՆԿԱՏՄԱՄԲ
07-11-2007 17:20:00 | Հայաստան | Հասարակութիւն
ԵՐԵՎԱՆ, 7 ՆՈՅԵՄԲԵՐԻ, ՆՈՅԵԱՆ ՏԱՊԱՆ: «Պիցցա դի Ռոմա»
ընկերութեան տնօրէն Գեւորգ Սաֆարեանի նկատմամբ արդէն քրէական գործ
է յարուցուել: Այս մասին «ՆՈՅԵԱՆ ՏԱՊԱՆ»-ի թղթակցին յայտնեցին «Սիլ
կոնցեռն»-ից, որի կազմում է գտնւում ընկերութիւնը:
Նշենք, որ օրերս ՀՀ կառավարութեանն առընթեր Հարկային պետական
ծառայութեան աշխատակիցների կողմից կատարուված ստուգումների
արդյուքնում պարզուել է, որ ընկերութիւնը իր հասոյթները 760 մլն
դրամով (մօտ 2,3 մլն ԱՄՆ դոլար) պակաս է ցոյց տուել: Յիշեցնենք, որ
վերջին օրերին հարկայինի աշխատակիցները ստուգումներ են կատարում ԱԺ
պատգամաւոր, «Սիլ կոնցեռն»-ի նախագահ Խաչատուր Սուքիասեանին
պատկանող ընկերութիւններում:
Ինչ վերաբերում է «Բջնի» հանքային ջրերի գործարանին, ապա
երկու օր է այն չի աշխատում, քանի որ Ոստիկանութեան Կազմակերպուած
հանցագործութեան դէմ պայքարի վարչութեան եւ հարկայինի
աշխատակիցները առգրաւել են համակարգիչները: