ԱՄԵՐԻԿԵԱՆ ՕՐԷՆՍԴԻՐՆԵՐԸ ՀՐԱԺԱՐՈՒԵԼ ԵՆ ՓՈՂ ՅԱՏԿԱՑՆԵԼ
ԼԵՀԱՍՏԱՆՈՒՄ ՀՀՊ ԲԱԶԱՅԻ ԿԱՌՈՒՑՄԱՆ ՀԱՄԱՐ
07-11-2007 16:49:00 | ԱՄՆ | Միջազգային
ՎԱՇԻՆԳՏՈՆ, 7 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Ամերիկացի
օրէնսդիրները հրաժարուել են 2008թ. ֆինանսական տարում միջոցներ
յատկացնել Լեհաստանում հակահրթիռային պաշտպանութեան բազայի
շինարարութիւնն սկսելու համար: Այս մասին լրագրողներին յայտնել է
կոնգրեսական Ջոն Մերտան Պենտագոնի 2008թ. ֆինանսական տարուայ բիւջէի
օրինագծի փոխզիջումային տարբերակի մշակման Կոնգրեսի երկու
պալատների համաձայնեցման յանձնաժողովի նիստի աւարտից յետոյ: Մերտան
գլխաւորում է Ներկայացուցիչների պալատի յատկացումների կոմիտէի
ռազմական ծախսերը վերահսկող ենթակոմիտեն:
Այժմ ամփոփիչ փաստաթուղթը դրուելու է քուէարկութեան Սենատում եւ
Ներկայացուցիչների պալատում:
Բուշի վարչակազմը մտադիր է 10 կալանիչ-հրթիռներ տեղակայել
Լեհաստանում եւ ՀՀՊ ռադար` Չեխիայում, այդ նպատակով ծախսելով 3,5
միլիար դոլար: