ԼԵՀԱՍՏԱՆԻ ԱՊԱԳԱՅ ՎԱՐՉԱՊԵՏԸ ՀԱՆԴԷՍ Է ԵԿԵԼ ՌՈՒՍԱՍՏԱՆԻ ՀԵՏ
ՅԱՐԱԲԵՐՈՒԹԻՒՆՆԵՐԻ ԲԱՐԵԼԱՒՄԱՆ ՕԳՏԻՆ
06-11-2007 21:17:00 | | Միջազգային
ՎԱՐՇԱՒԱ, 6 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Լեհաստանի ապագայ
վարչապետ Դոնալդ Տուսկը նոյեմբերի 6-ին յայտարարել է, որ մտադիր է
բոլոր ուժերը գործադրել լարուածութիւնը իրենց հիմնական
հարեւանների` Ռուսաստանի եւ Գերմանիայի հետ մեղմելու եւ փոխադարձ
վստահութեան ամրապնդման համար:
Ինչ վերաբերում է Ռուսաստանին, Տուսկը խոստացել է, որ
«ձգտելու է հասնել երկուստեք վստահութեան ամրապնդման»: Նա
աւելացրել է, որ անցած երկու տարիների ընթացքում երկու երկրների
հայեացքների տարբերութիւնները առաջացրել են «աւելի շատ
լարուածութիւն, քան դա անհրաժեշտ է»: Նա ընդգծել է նաեւ, որ
Ռուսաստանը պէտք է հաշտուի այն բանի հետ, որ Լեհաստանը բարեկամական
յարաբերութիւններ է պահպանում Ուկրաինայի եւ Վրաստանի հետ: